Izraılde úshinshi ret lokdaýn engizildi
IERÝSALIM. QazAqparat – Izraılde pandemııa bastalǵaly ınfektsııanyń taralýyn toqtatýǵa baǵyttalǵan lokdaýn úshinshi ret engizildi. El bıligi jappaı vaktsına egý naýqanyn jalǵastyryp, osy karantınniń sońǵy bolatynyna úmittenip otyr, dep habarlaıdy QazAqparat VVS agenttigine silteme jasap.
Jeksenbiden bastap Izraıl turǵyndaryna úılerinen sebepsiz shyǵyp, odan bir shaqyrymnan uzaq alystaýǵa tyıym salynǵan, ómirlik mańyzy joq barlyq dúkender men kásiporyndar jabylýda. Lokdaýn kem degende eki aptaǵa engizilip jatyr.
Izraılde álem boıynsha COVID-19 ınfektsııasy taralýynyń eń joǵary kórsetkishteriniń biri tirkelgen: 9 mln jýyq halqy bar elde 400 myńǵa jýyq adam aýrýǵa shaldyǵyp, vırýstan 3,2 myńnan astam turǵyn qaıtys boldy. Alaıda Izraılde jappaı vaktsınalaý jalǵastyrylyp jatyr.
Osy aptanyń basynan beri koronavırýsqa qarsy ekpeni 280 myń ızraıldik azamat jasatqan, al eldiń premer-mınıstri Bınıamın Netanıahýdiń aıtýynsha, kelesi demalys kunderine qaraı kún saıyn 150 myń ekpe jasalýy tıis.
El bıligi qańtar aıynyń sońyna qaraı el turǵyndarynyń jartysyna vaktsına egip, naýryzǵa qaraı pandemııany tolyq jeńýge úmittenip otyr.
