Izraılde sot reformasyna qarsy jappaı narazylyq sharalary ótip jatyr
ASTANA. QazAqparat - Izraıldiń iri qalalarynda Knessette talqylanyp jatqan sot reformasyn qabyldaýǵa qarsy jappaı narazylyq sharalary ótti, dep habarlaıdy QazAqparat Euronews-ke silteme jasap.
Ierýsalımde parlament ǵımaratynyń aldynda ondaǵan myń adam jınaldy, belsendilerdiń bir bóligi tasjoldardy jaýyp, basqarýshy koalıtsııadan saılanǵan depýtattardyń úılerin bloktap tastady.
Bınıamın Netanıahýdyń jańa úkimeti usynǵan reformaǵa qarsy shyǵýshylar bul sheshimnen demokratııa negizderi men bılik qurylymdarynyń bólinýine nuqsan keledi dep esepteıdi.
Netanıahýdyń Lıkýd bıleýshi partııasy ýltraońshyl jaqtastarymen birge eki zań jobasy boıynsha daýys berýi kerek. Biri - sýdıalardy irikteý jónindegi komıssııa quramyn ózgertý, ekinshisi - Negizgi degen mártebesi bar kez kelgen zańnyń kúshin joıýǵa tyıym salý (veto).
