Izraılde kóshede mindetti túrde maska taǵyp júrý erejesi kúshin joıdy
NUR-SULTAN. QazAqparat - Brazılııa COVID-19-dan ólim-jitim jaıttary boıynsha álemde ekinshi orynda. Rıo-de-Janeıroda zırattarda oryndardyń bolmaýyna baılanysty qaıtys bolǵandardy jerleý úshin jańa keshen salynýda, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Elde koronavırýstyq ınfektsııasynyń taralýy sheńberinde Brazılııanyń sanıtarııalyq qyzmet ókilderi áıelderge múmkindiginshe júktilikti keıinge qaldyrýǵa keńes berýde.
Al Izraılde kóshede mindetti maska taǵyp júrý erejesi kúshin joıdy. Eldiń densaýlyq saqtaý mınıstrligi koronavırýstyq ınfektsııanyń taralý deńgeıi tómen ekenin atap ótti. Ǵımarattarda jeke qorǵanys quralyn taǵý áli de mindetti bolyp tabylady.
Frantsııa bıligi Argentına, Brazılııa, Chılı jáne Ońtústik Afrıkadan kelgenderge mindetti karantın engizbek. Shekteý sharalary osy jyldyń 24 sáýirinen bastap kúshine enedi.
