Izraılde koronavırýsqa qatysty shekteýler qaıta engizildi

TELЬ-AVIV. QazAqparat – Vırýs juqtyrǵandar sanynyń kúrt ósýine baılanysty Izraılde koronavırýstyń taralýyn tejeý boıynsha shekteý sharalary qaıta engizildi, dep habarlaıdy QazAqparat The Jerusalem-ge silteme jasap.

Sársenbiden bastap Izraılde adamdardyń jınalýyna shekteý jarııalanyp men áleýmettik ara qashyqty mindetteý qaıta engizildi. Jańa ereje qoǵamdyq oryndarǵa kirýge ruqsat etilgen adamdar sanyn shekteıdi. Olardyń arasynda kóptegen mádenı jáne sport sharalary men nysandar bar. Mundaı oryndar tek Green Pass ruqsatnamasy bar azamattarǵa ǵana ashyq. Ruqsatnama adamnyń vaktsına alǵanyn, jazylyp shyqqanyn nemese jaqynda koronavırýsqa test tapsyryp, teris nátıje kórsetilgenin rastaıdy.

Osylaısha, óz erkimen vaktsına almaǵan nemese ekpe alýǵa múmkindigi bolmaǵan adamdar basseınge, jattyǵý zalyna, sport jáne mádenı sharalarǵa, konferentsııaǵa, murajaıǵa, kitaphanaǵa, meıramhana men qonaqúıge kirer kezde COVID-19-ǵa testileýdiń teris nátıjesin kórsetýi kerek.

Odan bólek, 3-12 jas aralyǵyndaǵy balalar meımanhana, sharalarǵa arnalǵan zaldar men meıramhanalar sııaqty kóp adam qatysatyn jabyq jerlerge kirer kezde koronavırýs testiniń teris nátıjesin kórsetýi tıis.

Jańa ereje saýda ortalyqtarynan basqa barlyq kásiporyndarǵa qoldanylady.

Seısenbi kúni jańa shekteý sharalary engiziler aldynda Izraılde 8 716 jańa koronavırýs juqtyrý jaǵdaıy tirkelgen bolatyn. Densaýlyq saqtaý organdarynyń aıtýynsha, bul osy jyldyń 1 aqpanynda engizilgen rekordtan asyp tústi.

Izraıldiń densaýlyq saqtaý mınıstrliginiń habarlaýynsha, búgingi kúni 579 adamnyń jaǵdaıy aýyr, skrınıngten ótken naýqastardyń 6,2%-y COVID-19-ǵa testiniń oń nátıjesin kórsetken.

Osy aptada Ierýsalımdegi Evreı ýnıversıtetiniń zertteýshileri tamyzdyń aıaǵynda elde bir apta ishinde COVID-19-dan ólim sany 150-den 250-ge deıin kóteriletinin boljaıtyn esepti jarııalady.