Izraılde kezekten tys parlamenttik saılaý ótip jatyr
ASTANA. 22 qańtar. QazAqparat - Búgin Izraılde kezekten tys parlamenttik saılaý bastaldy. Knessettiń 19 shaqyrylymynyń 120 mandatyna 32 partııa talasýda,
dep habarlady Assoshıeıted Press.
5,5 mln-nan astam saılaýshy eldiń barlyq aımaǵynda ashylǵan 9 myń saılaý ýchaskesinde ózi qalaǵan partııaǵa daýys bere alady. Áleýmettik saýalnama qorytyndylaryna qaraǵanda, qazirgi eldiń premer-mınıstri Bınıamın Netanıahýdyń partııasy men Avıgdor Lıberman basshylyq jasaıtyn «Izraıl - bizdiń úıimiz» partııasynyń birigýinen týyndaǵan «Lıkýd-Beıteıný» blogynyń mol daýys alýǵa múmkinshilikteri jetkilikti.
Daýys berý nátıjesi saılaý ýchaskeleri jabylǵannan keıin birneshe saǵattan soń jarııa etiledi.
