Izraılde qaıtadan jalpyulttyq lokdaýn engizilýi múmkin
LONDON. QazAqparat – Izraıl bıligi aýrý juqtyrǵandar sanynyń kúrt ósýine baılanysty qaıtadan jalpyulttyq lokdaýn engizý múmkindigin talqylaýda, dep habarlaıdy QazAqparat BBC agenttigine silteme jasap.
Sonymen qatar, búkil el boıynsha epıdemıologııalyq jaǵdaıy eń qolaısyz 40 «qyzyl aımaqta» jergilikti shekteýler engizildi. Sársenbide eldiń Densaýlyq saqtaý mınıstrligi aýrýǵa shaldyǵýdyń 3904 jańa jaǵdaıy týraly habarlady, bul – pandemııa bastalǵannan bergi jańa táýliktik rekord. Qazirgi ýaqytta eldegi koronavırýs juqtyrý jaǵdaılarynyń jalpy sany 142,5 myńnan asady, 1054 naýqas kóz jumǵan.
Indonezııa astanasy Djakarta bıligi qaladaǵy jaǵdaı tótenshe jaǵdaıǵa jaqyn dep otyr. Sońǵy birneshe kúnde qalalyq aýrýhanalar koronavırýs dıagnozy rastalǵan naýqastarǵa tolyp qalǵan. Dúısenbiden bastap el astanasyndaǵy aýdandardyń kópshiliginde qatań shekteýler qaıta qoldanylady.
