Izraılde aıaldama turǵan adamdarǵa oq atylyp, 2 adam mert boldy
ASTANA. QazAqparat - Ierýsalımde terrorıstiń aıaldamada turǵan adamdarǵa oq atýynan 8 adam jaraqat aldy. Osy eldiń buqaralyq aqparat quraldary ókilderiniń málimetterinshe, jaraqat alǵan eki adam aýrýhanada kóz jumdy, dep habarlaıdy QazAqparat utro.ru saıtyna silteme jasap.
Bul qaıǵyly oqıǵa jeksenbi kúni tań ata boldy. Polıtsııanyń ortalyq shtabynyń mańynda ornalasqan qoǵamdyq kólikter toqtaıtyn aıaldamada turǵan adamdarǵa 39 jasar arab oq atqan.
Oqıǵadan soń birden lańkestiń izine túsken quzyrly organ ókilderi ony Sheıh Djarah oramy aýdanynda qolǵa túsirdi. Atys kezinde polıtsııa qyzmetkeri de jaraqat aldy.
