Izraılde altyn áshekeıler salynǵan olja tabyldy
ASTANA. 23 mamyr. QazAqparat - Izraıl arheologtary altyn áshekeılerdiń biregeı kollektsııasyn tapty, dep habarlady Lenta.rý.
Bul týraly Tel-Avıv ýnıversıtetiniń baspasóz baıanynda málimdelgen, onyń qyzmetkerleri qazba jumystaryna qatysqan bolatyn.
Qazyna qazirgi Tel-Megıddo qalasynyń mańynan qazba jumystary kezinde tabylǵan. Áshekeıler kollektsııasy qysh ydystyń ishine qatty zatqa oralyp, balshyqpen toltyrylǵan. Bul ydys 2010 jyly tabylǵanmen, ony qazir ǵana tazartyp otyr.
Ǵalymdardyń aıtýynsha, áshekeı zattardyń jasalǵanyna shamamen 3100 jyl bolǵan. Olardyń ishinde sol kezeńdegi mysyr naqyshtary kóptep kezdesedi. Altyn syrǵalar taý eshkileriniń beınelerimen zerlengen. Zertteýshiler buryn-sońdy mundaı oljaǵa kenelmegenin aıtady, sapasy da óte joǵary.
Qazir ǵalymdar áshekeıler oralǵan zatty jáne altynnyń quramyn zertteýde. Bul qazyna HІІ ǵasyrǵa deıin aımaqta ústemdik qurǵan mysyrlyqtardan qalǵan mura bolýy múmkin degen boljam aıtylýda.
