Izraılde 5 myń jyldyq tarıhy bar kóne qala tabyldy
NUR-SULTAN. QazAqparat – Izraılde 5 myń jyldyq tarıhy bar qala úıindileri tabyldy. Arheologııalyq olja óńirdegi eń iri ári kóne bolyp shyqty, dep habarlaıdy QazAqparat BBC-ge silteme jasap.
Kóne qalada 6 myń adamnan kem halyq turmaǵan. Onda kósheler, oramdar, jerleý ordalary men qorǵanys qaqpalary bolǵan.
Arheologtar tabylǵan qalanyń astynan 7 myń jyldyq tarıhy bar taǵy bir eldimekendi taýyp alǵan.
«Bul - qola dáýiriniń Nıý-Iorki, kosmopolıttik jáne jaqsy josparlanǵan qala. Sol dáýir týraly jáne Izraıldegi ýrbandalý kezeńi týraly bilimimizdi túbegeıli ózgertetinine kúmán joq», - delingen arheologtardyń málimdemesinde.
En Esýr ataýyna ıe qala 650 dýnam nemese 160 akr jerdi alyp jatyr. Bul sol kezeńniń buǵan deıin tabylǵan qonystarynan eki ese úlken aýmaq. Izraıldiń eskilik eskertkishteri basqarmasynyń málimetinshe, qala turǵyn jáne kommertsııalyq oramdarǵa bólinedi.
Qala ornynan shamamen 4 mln qaldyqtar tabylǵan, sonyń ishinde adamdar men janýarlardyń músinsheleri, keramıkalyq buıymdar men ártúrli quraldar. Keıbiri Mysyrdan ákelýngen.
Arheologııalyq qazba oryndarynan tabylǵan janýarlardyń órtenip ketken súıekteri qalada qurbandyq shalynǵanyna dálel.
Adamdardy bul mekenniń eki tuşy sý kózi, shuraıly jeri jáne saýda joldaryna jaqyndyǵy qyzyqtyrǵan bolýy kerek.
Arheologtardyń bul óńirdegi qazba jumystary eki jarym jyldan astam jalǵasyp jatyr. Jumysqa 5 myń jasóspirim men eriktiler jumyldyrylǵan. Qonys jańa shosseniń qurylysy kezinde tabylǵan.
