Izraılde 1100 jyl burynǵy kóne altyn monetalar tabyldy
TELЬ-AVIV. QazAqparat – Izraıldiń ortalyq bóliginen myńdaǵan jyl boıy saz ydysta saqtalǵan júzdegen altyn tıyn tabyldy, dep habarlaıdy QazAqparat Reuters agenttigine silteme jasap.
Tarıhı eskertkishter basqarmasynyń aıtýynsha, 425 altyn monetany 18 tamyzda Izraıldiń ortalyq bóligindegi qazba jumystaryna qatysyp jatqan jasóspirimder taýyp alǵan. Qazyna jańa aýdandaǵy qurylys aýmaǵynan tabylǵan.
Qazba jumystarynyń jetekshisi Lıat Nadav-Zıvtiń aıtýynsha, 1100 jyl buryn kóne monetany tyqqan adam ony alyp ketý úshin oralamyn dep oılap, tıyndar qozǵalmas úshin ydysty shegemen bekitip ketken. Oǵan qazynasyn áketýge ne kedergi bolǵany bizge belgisiz.
Habarlamada monetalar tabylǵan aýmaqta sheberhanalar bolǵany aıtylǵan.
Tarıhı eskertkishter basqarmasynyń monetalar boıynsha sarapshysy Robert Kýldiń aıtýynsha, tabylǵan 24 karattyq tıyndar 9 ǵasyrda Baǵdad halıfatyn Abbasıdter dınastııasy basqarǵan kezge jatady.
Bul monetalarǵa adam sol kezdegi Egıpettiń eń baı astanasy – Fýstattyń eń ádemi aýdanynan úlken saraı satyp alatyn edi.
