Izraıl Damaskidegi Prezıdent saraıyna áýe soqqysyn jasady

ASTANA. KAZINFORM — Izraıl áskerı-áýe kúshteriniń ushaqtary Sırııa astanasy Damaskide ornalasqan Prezıdenttik keshenge áýe shabýylyn jasady. Bul týraly Anadolý agenttigi habarlady.

Izraıl áýe kúshteri aldymen Sırııanyń Bas shtab ǵımaratyna úsh márte áýe soqqysyn jasap, keıin Prezıdenttik keshenge shabýyldaǵan.

Bas shtab ǵımaratynan alǵashqyda jalyn kóterilip, artynan qoıý tútin shyqqany baıqalǵan.

Izraıl armııasynyń baspasóz qyzmeti áýe soqqysy Damaskidegi Bas shtab ǵımaratynyń kireberisine baǵyttalǵanyn rastady. Shabýyldy uıymdastyrýǵa sebep retinde Sýveıda aımaǵyndaǵy oqıǵalar ataldy. Bul aımaqta negizinen drýzy halqy shoǵyrlanǵan.

Izraıl armııasy buǵan deıin Sırııanyń ońtústigindegi jaǵdaıdy baqylap otyrǵanyn, onda drýzy qaýymynyń belsendiligi men Sırııa ákimshiliginiń áreketterine nazar aýdarylǵanyn málimdegen edi.

— Izraıl bul aımaqty baqylaýda ustap otyr jáne saıası basshylyqtyń nusqaýlaryna saı túrli stsenarıılerge daıyndalýda, — delingen armııa habarlamasynda.

Aıta keteıik, buǵan deıin Izraıl áskeri Gaza sektoryndaǵy Han-ıÝnýs qalasynyń mańynda «Magen Oz» dep atalatyn jańa qurlyq dálizi arqyly baqylaý ornatqany habarlandy.