Izraıl BUU-nyń Adam quqyqtary jónindegi keńesinen shyǵatynyn jarııalady

ASTANA. KAZINFORM – Izraıl syrtqy ister mınıstri AQSh-tyń BUU-nyń Adam quqyqtary jónindegi keńesinen shyǵý týraly sheshimin quptap, óz eliniń de solaı etýge nıetti ekenin málimdedi, dep habarlaıdy DW aqparat agenttigi. 

AQSh-tan keıin Izraıl BUU-nyń Adam quqyqtary jónindegi keńesiniń jumysyna qatysýyn toqtatatynyn jarııalaly.

Bul týraly eldiń syrtqy ister mınıstri Gıdeon Saar sársenbi, 5 aqpan kúni X áleýmettik jelisindegi akkaýntynda jazdy.

- Izraıl prezıdent Tramptyń BUU-nyń Adam quqyqtary jónindegi keńesiniń jumysyna qatyspaý týraly sheshimin quptaıdy. Izraıl Qurama Shtattaryna qosylady jáne BUU-nyń Adam quqyqtary jónindegi keńesiniń jumysyna qatyspaıdy, - delingen mınıstr málimdemesinde. 

Saar BUU-nyń Adam quqyqtary jónindegi keńesin «adam quqyqtaryn buzýshylardy dástúrli túrde qorǵap otyr» jáne «Taıaý Shyǵystaǵy jalǵyz demokratııa – Izraıldi demonızatsııalaýda» dep aıyptady.

- Bul organ adam quqyqtaryn ilgeriletýdiń ornyna demokratııalyq elge shabýyl jasaýǵa jáne antısemıtızmdi nasıhattaýǵa basymdyq berip otyr, - dep qosty saıasatker. 

Izraıl SІM-niń basshysy sondaı-aq óz eline qarsy júzden astam aıyptaıtyn qarar qabyldanǵanyn eske saldy.

Aıta keteıik, buǵan deıin BUU Gaza sektorynan 2500 balany shuǵyl evakýatsııalaý qajettigin málimdegen.