Izraıl bosatylýy tıis palestınalyq tutqyndardyń tizimin qaıta qarady

ASTANA. KAZINFORM — Izraıl mınıstrleri atysty toqtatý kelisimi aıasynda bosatylatyn palestınalyq tutqyndar tizimine birneshe ózgertýlerdi maquldady. Bul týraly Aljazeera agenttigi jazdy. 

— Ózgeristerge buryn bostandyqqa shyqqan palestınalyqty bosatý, ómir boıy bas bostandyǵynan aıyrylǵan jáne HAMAS-pen baılanysy bar taǵy eki adamdy qosý kiredi, — delingen aqparatta.

Onda kámeletke tolmaǵan 7 balanyń tizimnen shyǵarylyp, eki áıeldiń qosylǵany aıtylǵan. Barlyǵy buryn kelisilgen 1722 palestınalyq tutqynnyń ornyna 1718 tutqyn bosatylady.

Habarlama Izraıl bıligi basyp alynǵan Batys jaǵalaýdaǵy palestınalyqtarǵa jaqyndarynyń bosatylǵanyn toılamaýdy eskertkennen keıin shyqty.

Bul arada HAMAS belgili palestınalyq Marvan Bargýtıdi bosatýdy talap etti. Biraq Izraıl bıligi ony bosata ma, joq pa belgisiz. 

Osyǵan deıin HAMAS uıymy bosatylatyn palestınalyq tutqyndardyń tizimin jarııalaǵan bolatyn.