Izraıl Beırýttyń aýdandarynyń birine soqqy jasady

ASTANA. KAZINFORM – TsAHAL soqqynyń maqsaty «Hezbollanyń» basty qolbasshylarynyń biri Haıtam Alı Tabatabaı ekenin málimdedi, dep habarlaıdy DW.

Basylymnyń habarlaýynsha, soqqy Izraıl men radıkaldy top bir jyl buryn kelisken atysty toqtatý týraly rejımniń resmı túrde jarııalanýyna qaramastan jasaldy.

Eki tarap ta bir-birin atysty toqtatý týraly rejımdi buzdy dep aıyptap otyr. Izraıl premer-mınıstri soqqy jasaýǵa tap osy másele sebep bolǵanyn aıtty.

- Izraıl kim qaıda bolsa da óziniń maqsatyna jetý jolynda senimdi áreket etip jatyr, - dedi Izraıl premer-mınıstri.

Reuters Lıvannyń medıtsına organdaryna silteme jasap, Izraıldiń áýeden jasalǵan soqqylarynyń saldarynan keminde 20-ǵa jýyq adam jaraqat alyp, jergilikti aýrýhanalarǵa jetkizilgenin habarlady.

Soǵan qaramastan Izraıl aıtqan jáne radıkaldy topta mańyzy jaǵynan eekinshi orynda turǵan «Hezbolla» komandıriniń jaǵdaıy qandaı ekeni belgisiz.

Osyǵan deıin Izraıldiń Gaza sektoryna jasaǵan soqqysynan 22 palestınalyq qaza tapqany týraly jazdyq.