Izraıl Beırýtta «Hezbollaǵa» tıesili on nysanǵa soqqy jasady
ASTANA. KAZINFORM — Izraıl armııasy túnde shııttik «Hezbolla» qozǵalysyna tıesili nysandarǵa birqatar áýe soqqysyn jasaǵanyn málimdedi. Bul týraly Kazinform agenttiginiń menshikti tilshisi habarlady.
Izraıl qorǵanys armııasy (TsAHAL) juma kúni taratqan málimetke sáıkes, túngi operatsııa barysynda Lıvan astanasy Beırýttyń ońtústigindegi Dahııa aýdanynda ornalasqan on kópqabatty ǵımaratqa soqqy berilgen. Bul aýdan «Hezbolla» qozǵalysynyń negizgi tirek pýnktteriniń biri sanalady.
Izraıl áskerı kúshteriniń dereginshe, nysandardyń arasynda uıymnyń atqarýshy keńesiniń shtaby men ushqyshsyz ushý apparattaryn saqtaýǵa arnalǵan qoıma bolǵan.
— Bul komandalyq ortalyqtar Izraıl armııasynyń áskerı qyzmetkerleri men Izraıl memleketine qarsy kóptegen shabýyldardy josparlaý jáne júzege asyrý úshin paıdalanylǵan, — delingen TsAHAL málimdemesinde.
🇱🇧 🇮🇱 Israeli air strikes left behind massive destruction in Beirut's southern suburbs on Friday morning, with the Israeli military saying it had destroyed Hezbollah targets ➡️ https://t.co/eqGOBBb5et pic.twitter.com/2IlzIB7R3z
— AFP News Agency (@AFP) March 6, 2026
Soqqylar jasalar aldynda Izraıl áskeri Beırýttyń ońtústik mańyndaǵy birneshe aýdan turǵyndaryna evakýatsııa týraly aldyn ala eskertý taratqan.
Lıvandyq buqaralyq aqparat quraldarynyń habarlaýynsha, Izraıl soqqylary eldiń basqa aımaqtaryna da jasalǵan. Atap aıtqanda, Lıvannyń ońtústigindegi jaǵalaýda ornalasqan Saıda qalasyndaǵy kópqabatty úıdiń bir páterine de soqqy tıgeni týraly málimet bar.
مشاهد للشقة المستهدفة في #صيدا بعد الغارة الإسرائيلية pic.twitter.com/Wtybaam3Ul
— هنا لبنان (@thisislebnews) March 6, 2026
Lıvannyń Densaýlyq saqtaý mınıstrliginiń deregine sáıkes, Saıda qalasyna jasalǵan soqqy saldarynan 5 adam qaza taýyp, 7 adam jaraqat alǵan.
Lıvannyń Ulttyq aqparat agenttigi sondaı-aq Izraıldiń áskerı ushaqtary eldiń ońtústigindegi Tır jáne Bınt-Djebeıl qalalarynyń ústinde baıqalǵanyn habarlady. Budan bólek, túnde eldiń ońtústigindegi birqatar eldi mekenderge, sonyń ishinde Srıfa, Aıta ash-Shaab, Týlın, As-Savana jáne Madjdal-Selem aýyldaryna soqqy jasalǵan. Sonymen qatar Lıvannyń shyǵysyndaǵy Bekaa ańǵarynda ornalasqan Dýrıs qalasyna da áýe soqqysy berilgen.
Lıvan Densaýlyq saqtaý mınıstrligi buǵan deıin aptanyń basynan beri Izraıl shabýyldarynyń saldarynan el aýmaǵynda 123 adam qaza taýyp, taǵy 683 adam jaraqat alǵanyn habarlaǵan bolatyn.
Jalǵasyp jatqan shabýyldar aıasynda «Hezbolla» qozǵalysy Lıvannyń ońtústigindegi Hııam qalasyna qaraı jyljyǵan Izraıl áskerı tehnıkasynyń shoǵyrlanǵan jerine soqqy jasaǵanyn málimdedi.
BREAKING | Hezbollah releases a statement, warning Israeli settlers in the north:
— The Cradle (@TheCradleMedia) March 6, 2026
"You are required to evacuate all settlements located within a depth of 5 km from the border line.
The aggression of your army against Lebanese sovereignty, against innocent civilians, the… pic.twitter.com/IOa5vcUfuM
Sonymen qatar «Hezbollaǵa» tıesili telegram-arnalardyń birinde ıvrıt tilinde jazylǵan habarlama jarııalanyp, Lıvanmen shekaraǵa jaqyn ornalasqan Izraıldiń soltústik aımaqtarynyń turǵyndaryna bul aýmaqtan bes shaqyrymǵa deıin ishkeri ketýge shaqyrǵan eskertý jasaldy.