Izraıl Batys jaǵalaýdaǵy daýly E1 qurylysynyń jobasyn maquldady

ASTANA.KAZINFORM - Batys jaǵalaýda E1 aýdanyn salý jobasynyń túpkilikti maquldanýy halyqaralyq deńgeıde úlken reaktsııa týdyrdy, dep habarlaıdy Kazinform agenttiginiń tilshisi.

Izraıl bıligi sársenbi kúni Batys jaǵalaýdaǵy Ierýsalım men Maal Adýmım arasyndaǵy qonystanýshylar úshin shamamen 3400 turǵyn úı qurylysyn qamtıtyn E1 turǵyn úı qurylysynyń sońǵy josparyn bekitti, dep habarlaıdy The Times of Israel.

Bul sheshimdi Izraıl qorǵanys mınıstrligine qarasty Azamattyq ákimshiliktiń joǵary josparlaý komıteti qabyldady.

Qorǵanys mınıstrligine qarasty azamattyq ákimshilik pen eldi mekenderdi qadaǵalaıtyn Izraıldiń Qarjy mınıstri Betsalel Smotrıch buny «tarıhı sheshim» dep atap, Palestına memleketiniń qurylý múmkindigin kún tártibinen óshiretinin basa aıtty.

Israeli Finance Minister Bezalel Smotrich, who also serves as a minister in the Ministry of Defence responsible for the Civil Administration in the occupied West Bank, posted a video on his Facebook account last week discussing the building plan in Area E1.

Today, the plan,… pic.twitter.com/O3kMS1XtCR

— Middle East Eye (@MiddleEastEye) August 20, 2025

Izraıldiń qonystandyrý saıasatyna qarsy shyqqan Peace Now uıymy bul jobanyń Palestına memleketiniń bolashaǵyna orny tolmas zııan keltiretinin eskertti.

-Soǵysyp degen jeleýmen Smotrıch pen onyń jaqtastary túbinde báribir evakýatsııalaýǵa týra keletin qııaldan týǵan qonys salyp jatyr. E-1 josparynyń maqsaty – saıası sheshimdi buzyp, eki ultty memleket qurý,-delingen málimdemede.

Sarapshylardyń pikirinshe, E1 qurylysy Batys jaǵalaýdyń soltústik jáne ońtústik bólikteriniń bólinýine ákeledi, sonymen qatar Shyǵys Ierýsalım men Palestına aýmaqtary arasyndaǵy baılanysty úzedi.

Bul jospar búkil álemde syn týdyrdy. Birikken Ulttar Uıymy, Eýropalyq Odaq, Arab elderi jáne basqa da birqatar memleketter jobaǵa qarsy shyǵyp, qurylys halyqaralyq quqyqty buzady jáne «eki halyqqa eki memleket» formýlasy arqyly janjaldy sheshý múmkindigin joqqa shyǵarady, desti.

- Eldi mekenderdi salý halyqaralyq quqyqty buzady jáne beıbitshilik úderisine kedergi keltiredi, - dedi eýropalyq dıplomatııanyń basshysy Kaıa Kallas.

E1 jobasy jıyrma jyldan astam ýaqyt boıy ázirlenip keldi, biraq halyqaralyq synǵa baılanysty birneshe ret toqtatyldy.

Bekitilgen josparǵa sáıkes, E1 aýdanynda ınfraqurylymdyq daıyndyq jumystary aldaǵy aılarda bastalýy múmkin, turǵyn úı qurylysy shamamen bir jyldan keıin bastalýy múmkin. Joba ızraıldik Maale Adýmım eldi mekenine jaqyn jerde shamamen 3500 páter salýdy kózdeıdi.

Osy arada Izraıl Gaza qalasyn basyp alý operatsııasyn bastady.