Izraıl balalarǵa arnalǵan taǵamnyń Gazaǵa jetkizilýine kedergi keltirip otyr - ıÝNISEF
ASTANA. KAZINFORM – Izraıl gýmanıtarlyq júk jetkizýge shekteý qoıyp otyr degen aıypty moıyndamady. Bul rette ol túrli maqsatta qoldanylatyn taýarlar úshin qaýipsiz, balamaly jol usynyp otyrǵanyn jetkizdi, dep habarlaıdy Kazinform agenttiginiń menshikti tilshisi.
BUU-nyń Balalar qory (ıÝNISEF) seısenbi kúni Izraıldi Gaza sektoryna balalardy vaktsınalaýǵa arnalǵan 1,6 mln shprıts pen qutydaǵy 1 mln-ǵa jýyq balalarǵa arnalǵan taǵamdy qosa alǵanda adam ómiri úshin mańyzdy birqatar taýardy kirgizbeı otyrǵanyn málimdedi.
Uıym ókilderiniń habarlaýynsha, tamyz aıynan beri taýar tasymalyna qoıylyp otyrǵan shekteý tatýlasý kelisimi kúshine engennen keıin bir aıdan soń bastalǵan ımmýndaý naýqanyn ótkizýge kedergi keltirip otyr.
Reuters agenttiginiń habarlaýynsha ıÝNISEF ókili Rıkardo Pırısh shprıtster men kún batareıalarynan qýat alatyn tońazytqyshtardy Izraıl túrli maqsatta qoldanylatyn taýarlar qataryna jatqyzǵan.
- Bul óte qajetti zattar, alaıda biz olardy «túrli maqsatta qoldanylatyn zat» dep bólinýine baılanysty tekserý men qujattardy rásimdeý kezinde kóp qıyndyqtarǵa tap bolamyz, - dep málimdedi ol Jenevada ótken brıfıng barysynda.
Izraıldiń Qorǵanys mınıstrliginiń gýmanıtarlyq taýar aǵymyna jaýap beretin COGAT qurylymy bul aıypty moıyndamady. Olar Izrıaldiń balalarǵa arnalǵan shprıtster men muzdatqyshtarǵa shekteý qoıyp otyrmaǵanyn málimdedi.
- Biz Azamattyq-áskerı úılestirý ortalyǵy aıasynda jyl saıyn ıÝNISEF-pen birlesip áreket etemiz. Biz olarǵa máseleni sheshýdiń ońtaıly joldaryn usynamyz, buryn bizge mundaı aıyp taǵylǵan emes ,- delingen COGAT málimdemesinde.
ıÝNISEF uıymy jeksenbi kúni bastalǵan vaktsınatsııa naýqanynyń birinshi kezeńi aıasynda 2,4 myńnan astam balanyń ekpe alǵanyn habarlady. Bul naýqanda jalpy alǵanda úsh jasqa deıingi 44 myńǵa jýyq balany polıomıelıt, qyzylsha jáne pnevmonııaǵa qarsy profılaktıkalyq vaktsınalarmen qamtý josparlanǵan.
ıÝNISEF málimetine sáıkes, soǵys barysynda eki jyl boıy vaktsınatsııadan ótpegen balalardy qorǵaý úshin osy sharalar qolǵa alynǵan.
Uıymnyń málimetterine qaraǵanda, tatýlasýdan keıin jetkizilgen gýmanıtarlyq kómek kóleminiń artýyna qaramastan birqatar mańyzdy taýar túrlerin tasymaldaýǵa tyıym salynǵan. Olardyń arasynda 938 balaǵa arnalǵan daıyn taǵam men sý tasýshy kólikterge arnalǵan bólshekter bar.
- Bul degenińiz ashtyqtan buralyp jatqan balalarǵa jetkizilýi tıis mıllıonǵa jýyq quty, - dedi Pıresh.
10 qazan kúni kúshine engen atysty toqtatý kelisimi Gaza sektoryna kómektiń jetkizilýin jedeldetý kerek bolatyn. Gýmanıtarlyq agenttik ókilderiniń málimetterine qaraǵanda, kómek kólemi anklavta turyp jatqan 2 mln halyqtyń muqtajyn óteýge jetkiliksiz.
Osyǵan deıin Izraıl Gazanyń soltústigine gýmanıtarlyq kómek jetkizý úshin Tsıkım beketin qaıta ashqany týraly jazdyq.