Izraıl Gazadan áıelder men balalar shyǵarylatyn bolsa atysty toqtatý merzimin uzartady

Katardaǵy kelissózder barysynda Izraıl ókilderi HAMAS kepilge alynǵan barlyq áıelder men balalardy bosatqan jaǵdaıda bitimgershilikti taǵy úsh kúnge uzartýǵa daıyn ekenin málimdedi. Kazinform agenttigi bul týraly The Times basylymyna silteme jasap habarlaıdy.

Kelissózderge sondaı-aq Mysyr jáne AQSh ókilderi qatysýda. Katarǵa saparmen Ortalyq barlaý basqarmasynyń basshysy Ýılıam Berns keldi. Kelissózderge Izraıl tarapynan qatysýshylar buǵan deıin atysty toqtatýdyń eń uzaq merzimi on kúndi quraıtynyn aıtty.

Eske sala ketsek, Gaza sektorynda atysty toqtatý rejımi 24 qarasha tańynda bastalǵan. Keshe HAMAS pen Izraıl tutqynǵa alynǵan adamdardyń besinshi tobymen almasty. Búgin tutqyndarmen kezekti almasý ótýi tıis.