Izraıl avıatsııasy Gaza sektoryna shabýyl jasady
ASTANA. Naýryzdyń 19-y. QazAqparat - Izraıl avıatsııasy palestınalyq jaqtan jasalǵan zymyran shabýylyna jaýap retinde Gaza sektoryndaǵy eń az degende alty nysanǵa soqqy berdi,
eki adam jaralandy, dep habarlady juma kúni Reıter agenttigi.
Izraıl áýe kúshteri Gaza sektory men Mysyrdyń arasyndaǵy jerasty týnnelderine úsh soqqy jasady, oqıǵa saldarynan eki adam jaralandy. Qalǵan nysanalar - Gaza qalasyna jaqyn jerdegi bolat quıý sheberhanasy men Han ıÝnıs qalasyndaǵy eki ýchaskesi.
Izraıldiń Qorǵanys mınıstrligi ázirge eshqandaı túsinikteme bergen joq. Beısenbi kúni palestınalyq jasaqtar Izraıl aýmaǵyna reaktıvti oqtumsyq ushyryp, oqıǵa saldarynan taılandtyq bir jumysshy qaza bolǵan edi. Bul shabýyl úshin jaýapkershilikti «Ansar as-Sýnna» toby moınyna alyp otyr. Bul Gaza sektorynda bılik júrgizýshi «HAMAS» qozǵalysyna baǵynbaıtyn top jáne ol Iordan ózeniniń batys jaǵalaýynda bılik júrgizýshi FATH qozǵalysynyń jaýyngerlik qanaty.
Bul zymyran shabýylynyń Taıaý Shyǵystaǵy onsyz da kúrdeli máseleni ýshyqtyryp otyrǵan jaıy bar.
