Izraıl áýe kúshteri Sırııaǵa shabýyl jasady
ASTANA. KAZINFORM – Izraıl áýe kúshteri Sırııanyń ońtústigindegi Mazrat Beıt Djın aımaǵyna áýeden soqqy berdi. Bul týraly Izraıl armııasynyń baspasóz qyzmeti taratqan málimdemede aıtylǵan, dep habarlaıdy Anadoly agenttigi.
Málimdemege sáıkes, shabýyldyń nysanasy palestınalyq Hamas qozǵalysynyń ókili bolǵan.
2024 jyldyń 8 jeltoqsanynda Izraıl armııasy 1967 jyldan beri basyp alǵan Golan jotalaryna jaqyn ornalasqan býferlik aımaqty basyp aldy.
Izraıl áskerleri Sırııamen shekaradaǵy býferlik aımaqtan shyǵyp, Damaskiden 20 shaqyrym qashyqtyqta ornalasqan.
2024 jyly 8 jeltoqsanda Sırııadaǵy Baas partııasy rejımi qulaǵannan keıin Izraıl bılikten qýylǵan rejımniń ondaǵan áskerı nysandaryna shabýyldady.
2 mamyrda Izraıl Damaskidegi prezıdent saraıynyń mańynda áýe shabýylyn jasady.
Eske sala keteıik, buǵan deıin Izraıl Gaza sektorynyń soltústigindegi turǵyndardy evakýatsııalaýǵa shaqyrǵan bolatyn.