Izraıl áýe qorǵanys kúshteri Damaskke shabýyl jasady

AMMAN. QazAqparat - Izraıl áskerı avıvatsııasynyń Sırııa astanasynyń mańyndaǵy birneshe nysanǵa jasaǵan áýe soqqysynan eki sarbaz jaraqat alyp, birneshe nysan zaqymdaldy, dep habarlaıjy QazAqparat tilshisi SANA sırııalyq agenttigine silteme jasap.

Áskerı derekkózderdiń málimetinshe, Izraıl beısenbi tún ortasynan keıin Golan bıiktiginen Damask mańaıyna qaraı birneshe zymyran ushyryp, eki sarbazdy jaraqattaǵan jáne «birshama materıaldyq zalal keltirgen».

Sondaı-aq, Sırııa áýe qorǵanys kúshi zymyrannyń bir bóligin qulatqan.

«01:20-de (Astana ýaqytymen 04:20) ızraıldik qarsylastary Golan bıiktigi tarapynan áýe agressııasyn jasap, Damask mańyndaǵy birneshe pozıtsııany zaqymdady», - dedi keıinnen Sırııa qorǵanys mınıstrligi.

Sırııa adam quqyǵy jónindegi observatorııasynyń málimetinshe, bul - 2023 jyl bastalǵaly Izraıl ÁQK-nyń Sırııa aýmaǵyna jasaǵan jetinshi shabýyly.

Áýe shabýylynan keıin Kafarsýsa aýdany men al-Mıdan aýdanynda qatty jarylystyń daýsy estilgen.