Izraıl atysty toqtatý rejımine qaramastan Lıvanǵa shabýyldy údetti
ASTANA. KAZINFORM - Izraıl áskeri Lıvan aýmaǵyna kezekti áýe soqqylaryn jasady. Shabýyl saldarynan keminde 19 adam qaza tapty, dep habarlaıdy Aljazeera.
Óńirde atysty toqtatý rejımi jarııalanǵanymen, shabýyldardyń qarqyny báseńder emes.
Eń iri soqqy as-Saksakııa qalasyna jasaldy. Saldarynan jeti adam mert boldy. Qaza tapqandar arasynda bir bala bar. Taǵy 15 adam jaralanǵan.
Sondaı-aq Nabatııa, Nahraın, Saadııat, Habýsh jáne Mefdýn eldi mekenderine de soqqy jasalǵany habarlandy.
16 sáýirden beri Lıvandaǵy shabýyldardan qaza tapqandar sany shamamen 500 adamǵa jetti.
Al naýryz aıynan bastalǵan áskerı operatsııa kezindegi jalpy qurbandar sany 2750 adamnan asty.
Izraıl áskeri eldiń ońtústigindegi býferlik aımaqty áli de baqylap otyr. Sonymen birge turǵyndardy májbúrli túrde kóshirý týraly jańa buıryqtar jarııalanǵan.
Shıelenistiń kúsheıýi aıasynda AQSh 14–15 mamyr kúnderi Vashıngtonda kelissózderdiń jańa kezeńi ótetinin málimdedi.
Hezbolla kelissózderge qatyspaıdy. Uıym Izraıl pozıtsııalaryna artıllerııa men drondar arqyly shabýyl jasap jatyr.
Osyǵan deıin Lıvanda Izraıl áýe soqqylarynan qaza tapqandar qatary kóbeıip kele jatqany týraly jazdyq.
