Izraıl áskerılerine «Pokemon Go» oınaýǵa tyıym salyndy
ASTANA. QazAqparat - Izraıl áskerıleriniń basshylyǵy salynǵan tyıym qaýipsizdik maqsatynda ekenin túsindire otyryp, áskerı qyzmetshilerine Pokemon Go oınaýǵa tyıym saldy, dep habarlady VVS agenttigi.
Sarbazdar men ofıtserlerge nusqaýda ásker basshylyǵy oıynǵa qajetti smartfondardaǵy geolokatsııa júıesi men kameralar qupııa aqparattyń taralýyna yqpal etýi múmkin ekenin atap ótedi.
Áskerde sondaı-aq áskerı qyzmetshiler oıynnyń pırattyq nusqasyn júkteý múmkindiginen qaýiptenedi, saldarynan derekter urlanýy múmkin.
Sonymen qatar, ızraıldyq obyr aýrýlarymen kúres qaýymdastyǵy el azamattaryna ystyq saldarynan kúndiz pokemon aýlaý qaýiptiligin eskertti, oıynshylarǵa bas kıim kıip júrýge keńes berdi.
«Magen Davıd Adom» medıtsınalyq qyzmettiń derekterine sáıkes, ótken aptada 15 jasar qyz pokemon aýlap júrip velosıpedten qulap, jaraqat aldy. Oıyn barysynda 35 jastaǵy er adam da zardap shekti, ol shyny esikke soǵylyp, aıaǵyn jaraqattady.
«Qaltaly monstrlar» týraly mobıldik «Pokemon Go» oıyny álem boıynsha rekord ornatýda. «Pokemon Go» belsendi paıdalanýshylary sany jaǵynan «Tvıtter» jáne «Tınder» ınternet jelilerinen de asyp tústi.
