Izraıl áskerıleri buryn soǵys bolmaǵan aýdandarda operatsııa bastamaq

ASTANA. KAZINFORM – Jeksenbi kúni Izraıl áskeri Gaza sektoryndaǵy ortalyq aýdandarda turatyn turǵyndarǵa úılerin tastap, ońtústikke kóshýge buıryq berdi. Bul aımaqtarda buǵan deıin áskerı áreketter bolmaǵan, dep habarlaıdy VVS.

Evakýatsııa Deır ál-Balahqa shabýyl bastalýy múmkin ekenin kórsetedi. Bul tutqynda otyrǵan ızraıldikterdiń týystary arasynda alańdaýshylyq týdyryp otyr. Olar operatsııa tutqyndardyń ómirine qaýip tóndirýi múmkin dep esepteıdi.

Izraıl áskeri óz málimdemesinde bul aýdanda HAMAS-tyń ınfraqurylymy joıylatynyn habarlady. Sondaı-aq Izraıl soltústiktegi Jabalııada da operatsııalardy kúsheıtip, ondaǵan sodyrdyń kózin joıǵanyn jáne 2,7 shaqyrymdyq týnneldi anyqtap, olardy da oıran etkenin málimdedi.

Medıtsınalyq derekterge sáıkes, sońǵy táýlikte Gazada 45 adam qaza tapqan. Elde ashtyq ýshyǵyp tur – 71 bala kóz jumǵan, 60 myńnan astam bala tamaq jetispeýshiliginen zardap shegýde.

BUU agenttikteri Izraılden gýmanıtarlyq kómekti ótkizýge ruqsat berýdi talap etip otyr. Izraıl mundaı kederginiń baryn joqqa shyǵaryp, HAMAS-ty kómekti urlap jatyr dep aıyptady.

Izraıl men HAMAS arasynda atysty toqtatý jáne tutqyndardy bosatý boıynsha kelissózder júrip jatyr, biraq áli naqty nátıje joq.

Aıta keteıik, Qatar, Mysyr men AQSh Izraıl men HAMAS uıymyna Gaza sektorynda atysty toqtatyp, kepildegi adamdardy bosatý boıynsha jańa usynys jasady.