Izraıl Áskerı-teńiz kúshteri Gaza sektoryna gýmanıtarlyq júk jetkizbek bolǵan taǵy bir kemeni basyp aldy - «Reıter» agenttigi
ASTANA. Maýsymnyń 5-i. QazAqparat - Izraıl Áskerı-teńiz kúshteri senbi kúni Gaza sektorynyń jaǵalaýyna bet alǵan taǵy bir kemeni basyp aldy, dep habarlaıdy «Reıter» agenttigi quqyq qorǵaýshylarǵa silteme jasap.
Izraıl áskerıleri keme bortyna Jerorta teńizinde, jaǵalaýdan shamamen 55 shaqyrymdaı jerde mingen. Oqıǵa barysynda qarýdyń qoldanǵan-qoldanbaǵany ázirge belgisiz.
Bul keme dúısenbige qaraǵan túni Izraıl áskerıleri basyp alǵan «Bostandyq flotılııasynan» qalyp qoıǵan keme bolyp shyqty. Al dúısenbi kúni Gaza sektoryna gýmanıtarlyq júk apara jatqan flotılııaǵa Izraıl tarapynan jasalǵan shabýyldyń saldarynan Túrııanyń 9 adamy qaza bolǵanyn QazAqparat budan buryn habarlaǵan bolatyn.
