Izraıl áskeri Sırııanyń ońtústigindegi provıntsııany atqylady
ASTANA. KAZINFORM — Izraıl áskeri senbi, 6 qyrkúıekte Sırııanyń ońtústigindegi Ál-Kýneıtra provıntsııasynyń Er-Rafıd qalasynyń shetin atqylady, dep habarlaıdy Anadolu.
Sırııanyń «Al-Ihbarııa» telearnasynyń málimetinshe, atalǵan aýdanǵa alty artıllerııalyq snarıad atylǵan. Qaza tapqandar, zardap shekkender nemese qıraǵan nysandar týraly aqparat túsken joq.
Buǵan deıin bes áskerı kólikten turatyn Izraıl áskerı bólimshesi Er-Rafıdtiń shetine qaraı jyljyp, keıin bul aýmaqtan ketken. Ustalǵandar týraly aqparat bolǵan joq.
Oqıǵa Izraıl kúshteriniń bul aımaqtaǵy belsendiligi birneshe ret tirkelgen kezeńde bolyp otyr. Beısenbi kúni Izraıl áskerı kúshteri Ál-Kýneıtra provıntsııasynyń ońtústigindegi Tel-el-Ahmar aýdanynda eki artıllerııalyq snarıad atqan.
Sırııanyń memlekettik SANA agenttigi de seısenbi kúni Izraıl kúshteri Er-Rafıdtiń batysynda bir shopandy ustaǵanyn, alaıda birneshe saǵattan keıin bosatqanyn habarlaǵan.
Sırııanyń ońtústigindegi provıntsııalarda, atap aıtqanda Ál-Kýneıtra men Daraada Izraıl áskerı kúshteriniń reıdteri, tintýleri, adamdardy ustaýy jáne áskerı baqylaý beketterin ornatýy birneshe ret tirkelgen.
Ótken aıda Izraıl áskerı-áýe kúshteri Sırııanyń soltústik-batysyndaǵy Idlıb provıntsııasynda ornalasqan Ábý ád-Dýhýr áskerı áýe bazasynyń ushý-qoný jolaǵyna segiz ret soqqy jasaǵan. Sonyń saldarynan nysannyń ınfraqurylymy zaqymdalǵan.
Sırııadaǵy Izraıl kúshteriniń belsendiligi Bashar Asad rejımi 2024 jylǵy jeltoqsanda qulaǵannan keıin kúsheıdi. Sol kezde Izraıl 1974 jylǵy kúshterdi ajyratý týraly kelisimniń kúshin toqtatatynyn málimdep, Sırııanyń býferlik aımaǵyna baqylaý ornatqan.
Buǵan deıin Túrkııa jáne taǵy 11 el Sırııadaǵy áskerı bazaǵa jasalǵan Izraıl soqqylaryn aıyptaǵan.
