Izraıl áskeri Lıvannyń ońtústigindegi eki eldi mekenge soqqy jasamaq
ASTANA. KAZINFORM- Izraıl áskeri Lıvannyń ońtústigindegi eki eldi mekenge soqqy jasaıtyndaryn aıtyp, qorqytty jáne soqqy jasalatyn aýdandarǵa jaqyn mańdaǵy turǵyndardy ol jerden ketýge shaqyrdy, dep habarlaıy Anadoly.
Izraıl atysty toqtatý týraly kelisimge qaramastan Lıvanǵa shabýyldy údetti.
Izraıl áskeriniń ókili Avıhaı Adraı amerıkalyq H áleýmettik jelisinde Sýr qalasy mańyndaǵy aýdanda Deır-Kanýn an-Nahr men Shýhýr eldi mekenderindegi keıbir nysandarǵa soqqy jasaıtyndaryn málim etti.
Ol sózinde áýeden jasalatyn soqqy atalǵan eldi mekenderdegi «Hezbolla» uıymynyń áskerı nysandaryna baǵyttalatynyn jetkizdi.
Izraıl áskeriniń ókili soqqy jasalatyn aýdandardyń kartasyn da jarııalap, sol aýdanǵa jaqyn mańdaǵy lıvandyqtardy aımaqtan ketýge shaqyrdy.
Osyǵan deıin, 6 qarasha kúni ásker Lıvannyń ońtústigindegi bes aýdanǵa qatysty da osyndaı habar taratyp, artynan soqqy jasaǵan.
Jaqynda ǵana Izraıl áskeri Saıda qalasyndaǵy palestınalyq bosqyndardyń Aın-al-Hılva lagerin atqylaǵan bolatyn. Sonyń saldarynan keminde 13 adam qaza bolyp, kóptegen adam jaraqat aldy.
Osyǵan deıin HAMAS Gazada Izraıldiń soqqylarynan 25 adamnyń qaza tapqanyn habarlady.