Izraıl áskeri Gazada oq jaýdyrdy: alty palestınalyq qaza tapty
ASTANA.KAZINFORM — Oqıǵa Gazanyń shyǵys aýdanynda atysty toqtatý rejımi saqtalyp turǵan tusta boldy, dep habarlaıdy Kazinform agenttiginiń menshikti tilshisi.
Palestınalyq WAFA aqparat agenttiginiń habarlaýynsha, seısenbi kúni Gaza qalasynyń shyǵysyndaǵy Shýdjaııa aýdanynda Izraıl áskeri alty palestınalyqty óltirdi.
Agenttiktiń habarlaýynsha, Izraıldiń ushqyshsyz ushaqtary Shýdjaııa tóńireginde úılerin tekserip jatqan turǵyndarǵa oq jaýdyrǵan. Saldarynan bes beıbit turǵyn qaza tapty.
Gaza sektorynyń ońtústigindegi Han ıÝnıstiń shyǵysyndaǵy ál-Fýharı tóńiregine ızraıldik ushqyshsyz ushaq jasaǵan soqqydan taǵy bir adam qaza taýyp, taǵy bir adam jaralandy. Izraıl kúshteriniń Gaza sektorynyń soltústigindegi Djabalııa aýdanyndaǵy Halava bosqyndar lagerin atqylaýy kezinde de birneshe adam jaralandy.
Izraıl qorǵanys kúshteri (IDF) oq jaýdyrǵanyn rastady. Aıtýlarynsha oq atylǵan adamdar Izraıl áskerleriniń pozıtsııalaryna jaqyndap, atysty toqtatý kelisimi kúshine engennen keıin ızraıldik kúshter sheginip ketken shekara dep atalatyn «sary syzyqtan» ótip ketken.
⭕️ Earlier today, several suspects were spotted crossing the yellow line and approaching IDF troops in northern Gaza, a clear violation of the agreement.
— Israel Defense Forces (@IDF) October 14, 2025
After multiple attempts to distance them, the suspects refused to comply, prompting troops to open fire to remove the threat.…
Izraıl aqparat quraldarynyń habarlaýynsha, Shýdjaııa aımaǵy atysty toqtatý kelisimi boıynsha Izraıldiń áskerı baqylaýynda.
Izraıl áskeriniń málimetinshe, sarbazdar aldymen eskertý oqtaryn jaýdyrǵan, biraq kúdiktiler qozǵala bergende, olar áýe shabýylyna ushyraǵan. IDF bul shara «qaterdi joıý» úshin jasalǵanyn málimdedi.
Izraıl palestınalyqtardyń bul aımaqtaǵy ızraıldik lagerge kirip úlgerdi degen aqparatty joqqa shyǵardy.
— Izraıl armııasy Gaza sektory turǵyndaryn nusqaýlardy oryndaýǵa jáne Izraıl kúshteri ornalastyrylǵan aımaqtarǵa jaqyndamaýǵa shaqyrady, — delingen IM málimdemesinde.
Izraıl men HAMAS arasyndaǵy atysty toqtatý 10 qazan kúni túste kúshine endi.
Dúısenbi kúni Mysyrdyń Sharm-el-Sheıh qalasynda beıbitshilik sammıti ótip, onda AQSh, Túrkııa, Qatar jáne Mysyr basshylary Gaza sektorynda atysty toqtatý týraly kelisimge qol qoıdy.