Izraıl áskeri Gaza sektoryndaǵy 400-den astam mektepke soqqy jasady
ASTANA. KAZINFORM — Gaza sektorynda barlyǵy 564 mektep bar, olardyń 499-y Izraıldiń shabýylyna ushyraǵan. Bul týraly Anadoly habarlady.
2023 jylǵy 7 qazannan bastap Izraıl áskeri Gaza sektoryndaǵy 400-den astam mektepke tikeleı soqqy jasady. Bul mektepterdiń kópshiligi bosqyn palestınalyqtar úshin panalaý ornyna aınalǵan.
BUU-nyń Palestına bosqyndaryna kómek jáne jumys uıymdastyrý jónindegi Taıaý Shyǵys agenttigi áleýmettik jelilerde jarııalaǵan málimdemede, Izraıl shabýyldarynyń saldarynan Gazadaǵy mektepterdiń basym bóligine zaqym kelgeni aıtylǵan.
7 qazannan beri Gazada 403 mektep tikeleı Izraıl soqqylaryna ushyraǵan. Bul sektordaǵy barlyq mekteptiń 71 paıyzyna teń.
Izraıldiń shabýyldarynyń nátıjesinde Gazadaǵy mektepterdiń 88 paıyzy ártúrli deńgeıde zaqymdanǵan.
Gaza sektorynda barlyǵy 564 mektep bar, olardyń 499-y Izraıl shabýylyna ushyraǵan.
Zaqymdalǵan mektepterdiń 162-si BUU-nyń Palestına bosqyndaryna kómek jáne jumys uıymdastyrý jónindegi Taıaý Shyǵys agenttigine tıesili.
Gazadaǵy balalar 1,5 jyl boıy úzdiksiz shabýyldarǵa baılanysty qonys aýdarýǵa májbúr bolyp, bilim alý quqyǵynan aıyrylyp otyr.
2023 jylǵy 7 qazannan beri Izraıl áskeri Gazadaǵy mektepterge, sonyń ishinde bosqyndar panalaǵan BUU-nyń Palestına bosqyndaryna kómek jáne jumys uıymdastyrý jónindegi Taıaý Shyǵys agenttigine tıesili mektepterine de soqqy jasap jatyr.
Gazadaǵy qurbandar sany 51 myńǵa jýyqtady.