Izraıl áskeri Gaza sektoryna áýeden soqqy jasady
ASTANA. KAZINFORM – Izraıl áskerıleri HAMAS pen Palestınalyq jıhad uıymdarynyń komandırleri óltirilgenin málimdedi. Gaza sektoryndaǵylar 20 adam, sonyń ishinde 3 balanyń mert boldy, dep habarlady Euronews.
Izraıl tarapynyń habarlaýynsha, áýe soqqysy saldarynan radıkaldy ıslamıstik HAMAS uıymynyń qarýly jasaǵynyń komandıri óltirilgen. Ol 2023 jylǵy 7 qazanda Nahal-Oz áskerı bazasyna jasalǵan shabýyl kezinde tutqynǵa alynǵan Noa Martsıanonyń ólimine jaýapty bolǵan. Izraıl áskeri Martsıanonyń palestınalyq «ash-Shıfa» aýrýhanasynda qaza tapqanyn aıtady.
Basylymnyń jazýynsha, Izraıl qorǵanys armııasy sársenbi kúni Gaza sektorynyń birneshe aýdanynda júrgizilgen operatsııalar barysynda HAMAS pen «Palestınalyq ıslamdyq jıhadqa» tıesili taǵy eki komandırdiń joıylǵanyn da habarlaǵan.
🔴 ELIMINATED: Muhammad Issam Hassan al-Habil, head of a Hamas terror cell, who brutally murdered IDF observer Corporal Noa Marciano while she was held in captivity.
— Israel Defense Forces (@IDF) February 4, 2026
In response to a blatant ceasefire violation, the IDF & ISA carried out the strike. Marciano was abducted from… pic.twitter.com/DcKK0bsz14
Al Palestına tarapy áýe soqqylary saldarynan 20-dan astam adam qaza tapqanyn, olardyń arasynda úsh bala baryn málimdedi. Sondaı-aq soqqylar ýaqytsha qonys aýdarǵan turǵyndar ornalasqan shatyrly lagerlerge baǵyttalǵany aıtyldy.
Buǵan deıin Rafah shekara ótkeli búgin shekteýli rejımde ashylatyny habarlanǵan edi. Bul — Mysyr men Gaza sektory arasyndaǵy jalǵyz ótkel. Atalǵan beket 2024 jylǵy mamyr aıynan beri jabyq turǵan.
Alaıda Gaza sektorynda áskerı operatsııanyń jalǵasýyna baılanysty, basylym málimetinshe, Rafah ótkizý pýnkti arqyly naýqastardy Mysyrǵa evakýatsııalaý ýaqytsha toqtatylǵan.
— HAMAS Izraıldi qol jetkizilgen kelisimderdi buzdy dep aıyptaıdy. Al Izraıl tarapy barlyq tutqyn (tirideı ne óli kúıde) qaıtarylǵannan keıingi negizgi maqsat - HAMAS-ty qarýsyzdandyrý bolatynyn tartady. Izraıl áskeri «sary syzyq» dep atalatyn aýmaqta sodyrlar tarapynan turaqty túrde oq atylyp jatqanyn, sondaı-aq qarýly toptardyń jedel járdem kólikterin adamdar men qarý-jaraqty tasymaldaý úshin paıdalanatynyn jáne qonys aýdarǵan turǵyndar arasynda jasyrynatynyn málimdedi, — delingen habarlamada.
1 aqpan kúni Izraıl áýe soqqylarynan Gaza sektorynda keminde 32 palestındik qaza tapqany týraly jazdyq.