Izraıl áskeri atysty toqtatý rejımine qaramastan Lıvannyń ońtústigine soqqy jasady
ASTANA. KAZINFORM — Izraıl áskeri Lıvannyń ońtústigindegi Benı-Haııan eldi mekenine eki ret áýe soqqysyn jasap, Madjdal-Zýn aımaǵynda aýqymdy jarylystar uıymdastyrdy. Bul áreketter atysty toqtatý týraly kelisimge qaramastan jasalǵan, dep habarlaıdy Anadoly.
Lıvannyń NNA aqparat agenttiginiń habarlaýynsha, Izraıl áskerı ushaqtary Nabatııa provıntsııasyna qarasty Benı-Haııan eldi mekenine eki ret soqqy jasaǵan.
Sonymen qatar túngi ýaqytta Izraıl áskeri Lıvannyń ońtústigindegi Madjdal-Zýn eldi mekeninde aýqymdy jarylystar jasaǵan.
Izraıldiń Lıvanǵa shabýyly jáne atysty toqtatý úderisi
Izraıl áskeri 2 naýryzda Lıvan aýmaǵyna jappaı áýe shabýyldaryn bastap, eldiń ońtústigindegi ondaǵan eldi mekendi basyp alǵan.
Lıvan úkimetiniń málimetinshe, shabýyldar saldarynan el ishinde qonys aýdarǵandar sany 1 mıllıonnan asty.
Lıvan men Izraıl arasyndaǵy atysty toqtatý týraly kelisim 17 sáýirde kúshine enip, keıin birneshe ret uzartyldy.
Lıvan Densaýlyq saqtaý mınıstrliginiń sońǵy málimetine sáıkes, 2 naýryzdan beri Izraıldiń elge jasaǵan shabýyldarynan keminde 4 386 adam qaza tapqan.
26 maýsymda Vashıngtonda Izraıl men Lıvan arasyndaǵy tikeleı kelissózderdiń besinshi raýndy aıaqtalǵannan keıin taraptar negizdemelik kelisimge qol qoıǵan.
Aıta keteıik, buǵan deıin Saýd Arabııasy Iemenge bir táýlikte 35 ret áýe soqqysyn jasaǵany habarlanǵan.
