Izraıl armııasy Tegeranǵa aýqymdy soqqylar jasaǵanyn habarlady
ASTANA. KAZINFORM — Izraıl Qorǵanys armııasy (TsAHAL) Tegeran qalasynyń dál ortalyǵyndaǵy Iran rejıminiń ınfraqurylymyna baǵyttalǵan aýqymdy soqqylar serııasyn aıaqtaǵanyn málimdedi, dep jazady TASS.
Bul týraly olardyń resmı baspasóz qyzmeti habarlady.
— Biraz ýaqyt buryn Izraıl Qorǵanys armııasy Tegerannyń ortalyǵynda ornalasqan Iran rejıminiń ınfraqurylymyna qarsy aýqymdy soqqylar serııasyn aıaqtady, — delingen habarlamada.
Aıta keteıik, AQSh prezıdenti Donald Tramp Irannyń energetıkalyq ınfraqurylymyna qarsy yqtımal soqqylardy 2026 jylǵy 6 sáýirge deıin keıinge qaldyrǵany habarlandy. Ol bul sheshimdi qaqtyǵysty toqtatý jónindegi kelissózderdegi ilgerileýmen baılanystyrdy.
Buǵan deıin AQSh prezıdenti Donald Tramp Iranǵa jasalyp jatqan shabýyldardy toqtatý úshin 15 tarmaqtan turatyn jospar usynyp, sondaı-aq kelissózder júrgizý maqsatynda atysty bir aıǵa ýaqytsha toqtatý bastamasyn kóterdi.
