Izraıl armııasy Rafah qalasyna ilgerileı enip barady
ASTANA. KAZINFORM – Izraıl tankteri Gaza sektoryndaǵy Rafah qalasynyń shyǵys tusyna endeı kirip barady. Búgin olar birqatar turǵyn úı aýdanyna jetip, qalanyń ońtústik shekara mańyndaǵy shabýylyn kúsheıte tústi. Dál osy óńirde soǵys bastalǵan 7 aıdyń ishinde mıllıonnan astam adam bas saýǵalaǵan bolatyn.
Izraıl áskerıleriniń málimetinshe, ótken táýlikte ızraıldik shabýyldaýshy ushaqtar, ushqyshsyz basqarylatyn apparattar men tikushaqtar Gaza sektoryndaǵy 100-den astam nysanaǵa soqqy jasaǵan. Soǵys is-qımyldary Rafah, Zeıtýn jáne Djabalıde jalǵasyp jatyr.
Sonymen qatar Izraıl Qorǵanys armııasy (TsAHAL) Gaza sektorynda BUU kóliginiń shabýylǵa ushyraýyna baılanysty tergeý júrip jatqanyn málimdedi.
Palestındik BAQ málimetinshe, jeksenbi kúni Gaza sektorynynyń otústiginde, Rafahta Birikken Ulttar Uıymynyń kóligine oq atylǵan. Sonyń saldarynan palestındik júrgizýshi mert bolyp, BUU qyzmetkeri jaraqat alǵan.
BUU Bas hatshysy Izraıl men Gaza sektory arasyndaǵy soǵys saldarynan birineshe sheteldik qyzmetkerdiń mert bolýyn aıyptap, «tolyqtaı tergeý júrgizýdi» talap etip otyr.
Rafahtaǵy TsaAHAL ókilderi «ıAhal» irikteýli ınjenerlik-saperlik bólimshesiniń 2 jaýyngeri HAMAS atqan mınomet snarıadtarynan qatty jaraqattanǵandyǵyn alǵa tartady. Al palestındik top ótken aptada TsAHAL jaýyngerleri basyp alǵan Rafah qalasynyń Mysyrmen baqylaý-ótkizý pýnkti janyndaǵy ızraıldik áskerge soqqy jasaǵandyǵyn málimdep otyr.
