Izraıl armııasy Lıvannyń ońtústigin atqylady
ASTANA. KAZINFORM — Izraıl armııasy Lıvannyń ońtústigindegi Nabatııa provıntsııasyndaǵy Aıta al-Shaab qalasyna artıllerııalyq soqqy jasady, dep habarlaıdy Anadoly.
Bul týraly lıvandyq BAQ habarlady.
Qaza tapqandar, zardap shekkender nemese qıratýlar týraly ázirge aqparat joq.
2024 jylǵy 27 qarashada Izraıl men Lıvan arasyndaǵy atysty toqtatý týraly kelisim kúshine engenine qaramastan, ızraıldik áskerıler Lıvannyń ońtústik aımaqtaryna kún saıyn jerústi jáne áýe shabýyldaryn jasap keledi.
Izraıl tarapynan bitim shartyn shamamen 3 myń ret buzý jaǵdaıy tirkelip, sonyń saldarynan keminde 213 adam qaza taýyp, taǵy 508 adam jaraqat alǵan.
Izraıl Beırýtpen jasalǵan beıbit kelisim aıasynda Lıvan aýmaǵynan tolyq shyǵý mindettemesine qaramastan, Lıvannyń ońtústigindegi bes strategııalyq núktede áskerin qaldyrǵan.
Budan buryn sáýir aıynyń basynda Izraıl Lıvanǵa soqqy berip, HAMAS qolbasshysy qaza tapqanyn jazǵan edik.