Izraıl armııasy Lıvannyń Nabatııa mańyndaǵy aýylǵa soqqy jasady
ASTANA. KAZINFORM — Lıvannyń ońtústiginde Izraıldiń shabýylynan úsh adam qaza taýyp, 18 adam jaraqat aldy, dep habarlaıdy Anadolu.
Lıvandyq NNA aqparat agenttiginiń málimeti boıynsha, Izraıl armııasy Nabatııa mańyndaǵy Habbýsh aýylyna soqqy jasady.
Sonymen qatar, Izraıl armııasynyń ońtústiktegi Sýr qalasyndaǵy El-Alem qıylysyna jasaǵan shabýylynan 24 adam jaraqat aldy.
Eske salsaq, Izraıl Lıvannyń ońtústigin ortalyq aımaqqa qosatyn mańyzdy kópirdi buzdy, bul áreketti «Hezbolla» uıymyna qarý-jaraq jetkizýdi toqtatý maqsatynda jasalǵanyn túsindirdi. Lıvan bıligi men adam quqyqtaryn qorǵaýshylar Izraıldiń bul áreketin aıyptap otyr.
Buǵan deıin Izraıl shabýyldary álemdegi eń iri gaz ken orny «Ońtústik Parsqa» da baǵyttalǵan bolatyn. Bul ken ornyn Iran Qatarmen bólisedi.
Keıinnen Eýroodaq Lıvandaǵy jaǵdaıǵa qatysty málimdeme jasady.
