Izraıl armııasy Lıvanmen shekaralas eldi mekenge soqqy jasady

Izraıl artıllerııasy Lıvanmen shekaralas aýdanǵa oq jaýdyrdy. Kazinform bul týraly Anadolyǵa silteme jasap habarlaıdy.

Lıvannyń NNA resmı aqparat agenttiginiń málimetinshe, Izraıl jańa soqqylar jasaǵan.

Artıllerııalyq snarıadtar Lıvannyń ońtústigindegi Nabatııe provıntsııasynyń Vadı-Hııam eldi mekenine túsken.

Buǵan deıin Izraıl Sırııanyń Damask jáne Aleppo qalalaryndaǵy áýejaılarǵa soqqy jasaǵanyn jazǵan bolatynbyz.

Eske salaıyq, 7 qazan kúni Palestınadaǵy HAMAS toby Izraılge shabýyl jasap, elder soǵys jaǵdaıyna kóshken bolatyn.

Birqatar memleket óz azamattaryn Izraılden evakýatsııalaýdy uıymdastyrdy. Qazaqstan da atalǵan elde júrgen 124 qazaqstandyq úshin repatrıatsııalyq reıs uıymdastyryp, olardy elge jetkizdi.

Izraıl Gaza sektoryn tolyq oqshaýlap, jaryq, tamaq jáne otynnyń jetkizilýine joldy japty. Áskerıler Palestına turǵyndaryna Mysyrǵa qashýdy usyndy. 11 qazan kúni Gaza sektoryndaǵy jalǵyz elektr stantsııasy otyn tapshylyǵynan jumysyn toqtatty.

Izraıl – Palestına qaqtyǵysynan qaza tapqandar sany: Izraılde – 1300 adam, Palestınada – 900 adam, taǵy 4500 adam jaraqat aldy. Iordan ózeniniń batys jaǵalaýynda 21 palestınalyq azamat qaza tapty, ondaǵan turǵyn jaralandy.