Izraıl armııasy Irandaǵy janarmaı qoımalaryna soqqy jasady
ASTANA. KAZINFORM - Izraıl armııasy Iran astanasy Tegeranda birneshe janarmaı saqtaý nysanyna soqqy jasalǵanyn habarlady, dep jazady Anadoly.
Áskerı vedomstvonyń baspasóz qyzmetiniń málimetinshe, soqqy jasalǵan ırandyq nysandar áskerı ınfraqurylymdy kúsheıtý men qamtamasyz etý maqsatynda paıdalanylǵan. Sondaı-aq bul obektiler arqyly áskerı uıymdarǵa janarmaı taratylǵany, al jasalǵan soqqy Tegeran ákimshiligin álsiretkeni málimdeldi.
Izraıl armııasynyń ókilderi operatsııalardyń jalǵasýy múmkin ekenin aıtyp, aldaǵy ýaqytta jańa shabýyldar jasalýy yqtımal ekenin eskertti.
— Sonymen qatar Izraıldiń memlekettik teleradıo kompanııasy KAN Izraıl qarýly kúshteriniń nysanasy Tegerandaǵy munaı saqtaý qoımalary men munaı óńdeý zaýyttary bolǵanyn habarlady. Buǵan jaýap retinde Islam revolıýtsııasy saushylar korpýsy Irannyń soltústigindegi Haıfa qalasyndaǵy munaı óńdeý zaýytyna soqqy jasaǵanyn málimdedi, — delingen habarlamada.
Buǵan deıin AQSh prezıdenti Donald Trump Iranǵa qarsy óte kúshti shabýyl jasalýy múmkin ekenin málimdegen bolatyn.
