Izraıl armııasy «Hezbollaǵa» tıesili 80 áskerı nysannyń joıylǵanyn málimdedi
ASTANA. KAZINFORM - Izraıl qorǵanys armııasy (TsAHAL) qurlyqtaǵy bólimsheleri Lıvannyń ońtústiginde ornalasqan shııttik «Hezbolla» uıymyna tıesili 80 áskerı nysandy joıǵanyn habarlady. Bul týraly TsAHAL-dyń baspasóz qyzmeti málimdedi, dep jazady Armenpress.
Málimdemede aıtylǵandaı, aldyńǵy sheptegi qorǵanys operatsııalary aıasynda 146-dıvızııanyń 300-brıgadasy Lıvannyń ońtústiginde «Hezbolla» uıymynyń nysandaryn joıýǵa baǵyttalǵan áreketterdi júrgizip jatyr. Ótken apta ishinde áskerı kúshter «Hezbollaǵa» tıesili 80-nen astam ınfraqurylym nysanyn joıyp, sol aýdandaǵy osyndaı nysandardyń birinen shyqqan eki qarýly adamdy zalalsyzdandyrǵan.
28 aqpanda AQSh pen Izraıl Iranǵa qarsy áskerı operatsııalardy bastaǵannan keıin, Lıvanda áreket etetin, Irandy qoldaıtyn radıkaldy «Hezbolla» qozǵalysy Izraıl aýmaǵyna shabýyl jasaı bastady. Budan keıin Izraıl Lıvanǵa qarsy áskerı operatsııalarǵa kóshti.
Lıvannyń Densaýlyq saqtaý mınıstrliginiń málimetinshe, «Hezbollaǵa» qarsy áskerı áreketter qaıta bastalǵaly beri Izraıl soqqylary saldarynan 900-den astam adam qaza taýyp, 2100-den astamy jaralanǵan.
Osyǵan deıin Izraıl Beırýtte turǵyn úıdi jermen jeksen etkeni týraly jazdyq.
