Izraıl armııasy HAMAS-tyń eki qolbasshysynyń kózin joıǵanyn habarlady
ASTANA. KAZINFORM – Izraıl áskerıleri palestınalyq HAMAS radıkaldyq qozǵalysynyń eki qolbasshysyn mert qylǵan. Bul týraly armııanyń baspasóz qyzmeti habarlady, dep jazady TASS.

– Keıingi birneshe kúnde Izraıl qorǵanys kúshteri (TsAHAL) men Jalpy qaýipsizdik qyzmeti (ShABAK) HAMAS-tyń áskerı múmkindikterin álsiretý jáne evreı memleketi men onyń áskerı qyzmetkerlerine tóngen qaýip-qaterdi joıý maqsatynda Gaza sektorynyń búkil aýmaǵynda lańkestik nysandar men sodyrlarǵa qarsy soqqylar jasady. Bul jarylystar kezinde «Gaza» brıgadasy qolbasshysynyń orynbasary Ahmed Shımalı qaza tapty, - delingen habarda.
Shımalı operatsııalarǵa, shabýyl strategııasyn josparlaýǵa jáne 2023 jylǵy 7 qazanda HAMAStyń soǵys qımyldaryna daıyndyq kezinde brıgada kúshterin qalyptastyrýǵa, sondaı-aq soǵys kezinde Gaza brıgadasynyń kúshterin ornalastyrýǵa jaýapty bolǵan.
Sondaı-aq, «Shýdjaııa» batalonynyń komandıri Djamıl Vadııanyń mert bolǵany týraly aqparat tarady.
– TsAHAL jáne ShABAK Izraıl memleketine kez kelgen qaýipti joıý úshin HAMAS lańkestik uıymymen kúresti jalǵastyrady, - delingen armııanyń baspasóz qyzmeti taratqan habarlamada.
Aıta keteıik, HAMAS saıası bıýrosynyń múshesi Salah ál-Bardavıl Izraıldiń Gaza sektoryndaǵy Han-ıÝnıs qalasyna jasaǵan áýe soqqysynan qaza tapqan edi.