Izraıl armııasy Batys Sherııada 21 palestınalyqty ustady

ASTANA. KAZINFORM – Izraıl armııasy basyp alǵan Batys Sherııada júrgizgen reıdter barysynda 21 palestınalyqty tutqynǵa aldy, onyń ishinde sońǵy eki tutqyn almasýda buryn bosatylǵan 15 adam bar, dep habarlaıdy Kazinform Anadolu agenttigine silteme jasap.

Palestına tutqyndar qoǵamy men Palestınany azat etý uıymynyń tutqyndar jáne azat etý isteri jónindegi komıtetinen jasalǵan ortaq málimdemede Izraıl kúshteriniń Batys Sherııada reıdterin jalǵastyryp jatqany aıtyldy. 

Habarlarǵa qaraǵanda, Izraıl kúshteri Arıha qalasyndaǵy «Akabet Djabr» bosqyndar lagerine reıd júrgizip, buryn tutqyn almasý kezinde bosatylǵan 15 palestınalyqty taǵy da ustady. Operatsııa kezinde birneshe adamdy uryp-soǵyp, jaýap alý úshin belgisiz jaqqa alyp ketken. 

Sondaı-aq Izraıl armııasy Ramalla, Ál-Halıl, Beıtýllahım, Nablýs jáne Týlkarm qalalaryndaǵy úılerdi tintip, taǵy 6 adamdy ustady. 

Ustalǵandar arasynda Hamas qozǵalysynyń kórnekti qaıratkerleriniń biri jáne El-Bıre qalasynyń burynǵy meri Jamal ál-Taýıl de bar.

Buǵan deıin habarlaǵanymyzdaı, HAMAS Gazadaǵy ızraıldik kepilge alynǵandardyń máıitterin izdeý aıasyn keńeıtti.