Izraıl arheologtary ejelgi úıdiń qaldyqtaryn tapty
ASTANA. Qańtardyń 13-i. QazAqparat - Arheologtar Tel-Avıvke jaqyn mańnan jasy 8 myń jyl bolatyn úıdiń qaldyqtaryn tapty. Jańa olja osy aımaqtaǵy buǵan deıin belgili bolyp kelgen jádigerlerdiń ishindegi eń kónesi bolyp otyr,
dep habarlaıdy QazAqparat Lenta.rý saıtyna silteme jasap.
Úı úsh bólmeden turady. Qazba ornynda úıdiń ózinen basqa turmystyq zattardyń úlken kólemdegi bólshekteri jáne eńbek quraldary tabyldy, olardyń kóbisiniń jasy qurylystyń ózine qaraǵanda tym áride jatyr. Ǵalymdardyń pikirinshe, keıbir artefakttardyń jasy 100 myń jylǵa jetedi.
Zertteýshiler tabylǵan ǵajaıyp oljanyń úı ornalasqan jerde - neolıt dáýirinde - bul aımaqta adamdardyń turǵany buǵan deıin ǵalymdarǵa belgisiz bolǵanyn atap aıtady. Ǵalymdar kóshpelilerdiń otyryqshylyqty qabyldaýyna - sol kezde osy aımaqtaǵy jerdiń qunarlylyǵy sebep bolǵan dep boljamdaıdy.
