Izraıl Al Jazeera telearnasynyń keńselerin jaýyp tastady

ASTANA. KAZINFORM – Izraıl bıligi eldegi Al Jazeera telearnasynyń keńselerin jabý týraly sheshim qabyldady. Ol telearnany arandatýshy dep atady, dep jazady Euronews.

Izraıl úkimeti Katarǵa tıesili Al Jazeera teleradıokompanııasynyń jergilikti keńselerin jabýǵa biraýyzdan daýys berdi.

Premer-mınıstr Bınıamın Netanıahý bul sheshimin X platformasynda jarııalady, biraq bul qadamnyń arnaǵa áseri, qashan kúshine enetini jáne sharanyń turaqty nemese ýaqytsha ekendigi belgisiz.

Izraıldik BAQ daýys berý Izraılge eldegi arnanyń jumysyn 45 kúnge toqtatýǵa múmkindik beretinin habarlady.

«Men basqaratyn úkimet biraýyzdan «Ál-Jazıra» arandatýshylyq arnasyn Izraılde jabý týraly sheshim qabyldady», - dep jazdy Netanıahý X áleýmettik jelisinde.

Ál-Jazıra Izraılge qarsy úgit-nasıhat jumystaryn júrgizip jatqanyn úzildi-kesildi joqqa shyǵardy.

Al Jazeera — soǵys boıy Gazadaǵy áýe shabýyldary men aýrýhanalardyń qandy kórinisterin taratyp, Izraıldi halyqty jappaı qyrǵany úshin aıyptaǵan sanaýly halyqaralyq aqparat quraldarynyń biri. Izraıl Ál-Jazırany HAMAS-pen yntymaqtasady dep aıyptady.