Izraıl 641 palestınalyqty túrmeden bosatty

IERÝSALIM. KAZINFORM – Azat etilgen palestınalyqtardyń jalpy sany 1 776-ǵa jetti, dep habarlaıdy Anadoly. 

HAMAS pen Izraıl arasyndaǵy atysty toqtatý jáne tutqyn almasý kelisiminiń jetinshi raýndy aıasynda 641 palestınalyq tutqyn bosatyldy.

Kelisimniń birinshi kezeńinde tapsyrylýy tıis bolǵan tórt ızraıldik tutqynnyń denesi Izraılge jetkennen keıin palestınalyq tutqyndar da bosatyldy. Olar basyp alynǵan Batys jaǵalaýdaǵy Ofer áskerı túrmesinde jáne Izraıldiń ońtústigindegi Kezıot túrmesinde bolǵan. Palestınalyqtar almasý aıasynda Qyzyl Krestke tapsyryldy.

Qyzyl Krest Ofer túrmesinen shyǵyp, Ramalla qalasyna bardy, olardy álemge áıgili palestınalyq aqyn Mahmýd Darvısh atyndaǵy murajaıda dúıim jurt qarsy aldy.

Tutqyndar almasýynyń jetinshi raýndy aıaqtaldy, osylaısha kelisimniń birinshi kezeńi oryndaldy. 33 ızraıldik tutqyn aýystyrylyp, bosatylǵan palestınalyqtardyń jalpy sany 1 776-ǵa jetti.

Aıta keteıik, buǵan deıin HAMAS 625 palestınalyq tutqynǵa aıyrbas retinde Izraılge 4 adamnyń máıitin bergenin jazǵan edik.