Izraıl 2023 jylǵy 7 qazandaǵy atys úshin ólim jazasyn taǵaıyndaıtyn zań qabyldady
ASTANA.KAZINFORM - Izraıl 2023 jyldyń qazan aıynda HAMAS uıymdastyrǵan Izraıldegi buryn-sońdy bolmaǵan atys pen jappaı kepilge alýǵa qatysqandarǵa ólim jazasyn jáne ashyq sot isin júrgizýdi kózdeıtin zań qabyldady, dep habarlaıdy Al Jazeera.
Dúısenbi kúni keshke 2023 jyldyń 7 qazanyndaǵy shabýyldarǵa qatysy bar dep aıyptalǵandarǵa ólim jazasyn taǵaıyndaýǵa ýákiletti arnaıy trıbýnal qurý týraly zań jobasy 120 oryndyq Knessettiń 93 daýysynmen qabyldandy.
Qalǵan 27 zań shyǵarýshy daýys berýden qalys qaldy nemese qarsy boldy.
Arnaıy trıbýnal Ierýsalımde ornalasady. Onyń otyrystary kópshilikke ashyq bolady jáne aýdıo jáne vıdeo formattarda jazylady, al negizgi tyńdaýlar arnaıy veb-saıtta tikeleı efırde kórsetiledi. Sot alqalaryn qazirgi nemese zeınetkerlikke shyqqan aýdandyq sot sýdıalary basqarady.
Zań jobasynda sondaı-aq, Batys jaǵalaýynda ornalasqan bılik 7 qazandaǵy shabýylǵa qatyspaǵanyna qaramastan, aıyptalýshylardyń zańdy ókildigine qarjylandyrý Palestına ákimshiligine aýdarylǵan qarajattan shegeriletini kózdelgen.
Zań jobasynyń túsindirme jazbasyna sáıkes, onyń maqsaty «2023 jyldyń 7 qazanynda bastalǵan Izraıl azamattaryna qarsy úılestirilgen jáne ádeıi jasalǵan terrorıstik shabýyldyń bóligi retinde HAMAS jáne onymen baılanysty toptar jasaǵan dushpandyq áreketter, kisi óltirý, jynystyq zorlyq-zombylyq, adam urlaý jáne tonaý úshin jaýaptylardy qýdalaýdy retteý».
- Barlyǵy Izraıl memleketi ózine zııan keltirgenderdi qalaı jaýapqa tartýdy biletin egemendi memleket ekenin kórsin, - dedi zań jobasy avtorlarynyń biri ıÝlııa Malınovskaıa.
Alaıda, Izraıl men Palestına adam quqyqtary uıymdary zań jobasy ádil sot isin júrgizý quqyǵyna protsedýralyq kepildikterdi alyp tastaı otyryp, ólim jazasyn tym jeńildetýi múmkin dep eskertedi.
- Ashyq sot otyrystaryn retteıtin erejeler kinásizdik prezýmptsııasyn, ádil sot isin júrgizý quqyǵyn jáne adamı qadir-qasıet quqyǵyn buzady. Bul mehanızm istiń máni boıynsha kez kelgen sot otyrysy bastalmaı turyp-aq aıyptaý aktisin berýdi kináni moıyndaýmen teńestiredi, - dedi Izraıldegi arab azshylyqtarynyń quqyqtary jónindegi quqyqtyq ortalyqtyń zańgeri Mýna Haddad.
Bul zań jobasy Izraıl úkimeti naýryz aıynda bekitken ólim jazasy týraly zańǵa qatysy joq, ol terrorızm men ultshyldyq kisi óltirý úshin sottalǵan palestınalyqtarǵa ólim jazasyn taǵaıyndaý múmkindigin keńeıtti.
2023 jyldyń 7 qazany Izraıl tarıhyndaǵy eń qandy kún boldy. HAMAS sodyrlary Izraıldiń ońtústiginde 1200-den astam adamdy óltirdi. Gaza sektorynda taǵy 251 adam, sonyń ishinde erler, áıelder, balalar jáne sheteldik azamattar urlanyp, tutqynda ustaldy.
Bul oqıǵalar Gaza tarıhyndaǵy eń qandy soǵys týdyrdy, ol búgingi kúnge deıin 72 000-nan astam adamnyń ómirin qıdy.
Aıta keteıik, Izraıl Batys jaǵalaýdaǵy zańsyz 126 turǵyn úı qurylysyna ruqsat berdi.
