Izraıl 17 aqpanda Gaza sektoryna qatysty kelisimniń ekinshi kezeńin talqylaıdy
ASTANA. KAZINFORM – Jaqynda Izraıl premer-mınıstri AQSh prezıdentiniń Taıaý Shyǵys jónindegi arnaıy ókili Stıven Ýıtkoffpen sóılesti, dep habarlaıdy TASS.
Izraıl premer-mınıstri Bınıamın Netanıahý AQSh prezıdenti Donald Tramptyń Taıaý Shyǵys jónindegi arnaıy ókili Stıven Ýıtkoffqa 17 aqpanda Izraıldiń áskerı-saıası kabınetin shaqyryp, tutqyndardy bosatý jáne Gaza sektorynda atysty toqtatý jónindegi kelisimniń ekinshi kezeńin talqylaıtynyn málimdedi. Bul týraly Izraıl úkimeti keńsesi habarlady.
- Netanıahý jaqynda Ýıtkoffpen sóılesti. Premer-mınıstr arnaıy ókilge erteń (17 aqpan — TASS eskertp.) áskerı-saıası kabınetti shaqyryp, (Gaza boıynsha) kelisimniń ekinshi kezeńin talqylaıtynyn habarlady, - delingen málimdemede.
Eske sala keteıik, atysty toqtatý týraly kelisim 19 qańtarda kúshine endi jáne bul Izraıl men HAMAS arasyndaǵy birneshe aıǵa sozylǵan janama kelissózderdiń nátıjesi boldy. Kelissózderge AQSh, Katar jáne Mysyr deldaldyq jasady.