Izolıator men tergeý bólmelerine vıdeokameralar ornatylady - ІІM

NUR-SULTAN. QazAqparat – Elimizdiń ýaqytsha ustaý ızolıatorlary men tergeý bólmelerine vıdeokameralar ornatylady. QR Іshki ister mınıstrliginiń resmı ókili Nurdildá Oraz vedomstvonyń onlaın brıfıngisinde osyndaı málimet berdi, dep habarlaıdy QazAqparat tilshisi.

«Búginde jergilikti polıtsııa qyzmetin servıstik model qaǵıdattaryna aýystyra otyryp, reformalaý boıynsha tásilder ázirlendi. Memleket basshysy penıtentsıarlyq mekemelerde jáne polıtsııanyń qyzmettik ǵımarattarynda, quqyq qorǵaý organdarynyń barlyq jedel-tergeý bólimshelerinde jappaı beınebaqylaýdy engizýdi tapsyrdy.

Bul polıtsııaǵa halyq aldynda ashyq jumys isteýge múmkindik berip, sybaılas jemqorlyq táýekelderin azaıtady», - dedi Nurdildá Oraz.

Onyń sózine qaraǵanda, Batys Qazaqstan oblysynda atalǵan beıne júıelerdi montajdaý jáne ornatý jumystary tolyq aıaqtalǵan.

«Polıtsııa departamentiniń 26 ákimshilik ǵımaratynda halyqpen jumys júrgiziletin úı-jaılarda 254 vıdeokameralar ornatylǵan.

Polıtsııa departamentiniń ózinde 22 beınekamera, kóshi-qon qyzmetinde 2 kamera ornatyldy. Oral qalasynyń polıtsııa basqarmasynda qyzmetkerlerdiń jumysyn 39 kamera, Abaı qalalyq polıtsııa bóliminde 17 kamera, Zachagansk bóliminde – 6 kamera baqylaıdy.

Beınemonıtorıng júıesimen ýaqytsha ustaý ızolıatorlary, oblys ortalyǵynyń 24 ýchaskelik polıtsııa pýnktteri qamtylǵan. 19 aýdandyq polıtsııa bólimshesinde 119 kamera ornatyldy.

Polıtsııanyń qyzmettik keńistikterin, sondaı-aq barlyq jedel-tergeý bólimshelerin beınekameralarmen jaraqtandyrý aǵymdaǵy jyly búkil el boıynsha qalalyq, aýdandyq jáne kenttik polıtsııa bólimderin eskere otyryp aıaqtalady», - dedi mınıstrliktiń resmı ókili.