Izmırdegi zilzala qurbandarynyń sany 98 adamǵa jetti

IZMIR. ANADOLY-QazAqparat – Izmırdegi zilzala qurbandarynyń sany 98 adamǵa jetti. Bul týraly Túrkııa úkimeti janyndaǵy Tótenshe jaǵdaılardyń aldyn alý jáne saldaryn joıý basqarmasy (AFAD) málimdedi, dep habarlaıdy QazAqparat Anadoly agenttigine silteme jasap.

Jaraqat alǵan 994 adamnyń 847-si aýrýhanadan jazylyp shyqty, 147 adam em qabyldaýda.

Izmırde qıraǵan bes ǵımaratta izdeý-qutqarý jumystary jalǵasyp jatyr.

Eske sala ketsek, 30 qazanda Túrkııadaǵy Izmır jaǵalaýynda 6,6 baldyq jer silkinisi boldy.

Qazaqstan Respýblıkasynyń Túrkııadaǵy elshisi Abzal Saparbekuly sondaǵy qazaqstandyqtar kómek qajet bolsa tikeleı elshilikke habarlasýy kerektigin eskertti.