Izmırdegi jarylystan zardap shekkenderdiń ishinde qazaqstandyqtar joq - QR SІM
ASTANA. QazAqparat - Túrkııanyń Izmır qalasyndaǵy sottyń janynda bolǵan jarylystan on adam jaraqat aldy. Odan keıingi atys kezinde polıtsııa ofıtseri men sottyń kúzetshisi oqqa ushty, dep xabarlaıdy QazAqparat tilshisi sheteldik buqaralyq aqparat quraldaryna silteme jasap.
QR Syrtqy ister mınıstrliginiń málimetine sáıkes, Izmırdegi jarylystan zardap shekken Qazaqstan azamattary joq. "Izmırdegi jarylys pen atys kezinde zardap shekken qazaqstandyqtar bolmady", - deıdi mınıstrliktiń baspasóz qyzmetiniń jetekshisi Ánýar Jaınaqov.
Aıta keteıik, atys kezinde polıtsııa qyzmetkerleri eki qylmyskerdi atyp tastady. Túrkııanyń ádilet mınıstri Bekır Bozdagtyń aıtýynsha, taǵy kúdikti 18 adam qamaýǵa alyndy.
Buǵan deıin Izmır provıntsııasynyń gýbernatory Erol Aııldyz atalǵan oqıǵaǵa Kúrdistannyń jumysshylar partııasy jaýapty ekenin málimdegen. Onyń aıtýynsha, sot aldynda júrgen polıtsııa qyzmetkerleri bir kólikti tekseremiz degen kezde jarylys bolǵan, onyń arty atysqa ulasyp ketken.
