Izmırde jasóspirim polıtsııa bólimshesine shabýyl jasap, eki polıtseı qaza tapty

ASTANA. KAZINFORM - Túrkııanyń Izmır qalasynda 16 jastaǵy jasóspirim polıtsııa bólimshesine qarýly shabýyl jasady. Saldarynan eki polıtsııa qyzmetkeri qaza tapty, dep habarlaıdy Kazinform agenttiginiń menshikti tilshisi.

Izmırdiń Balchova aýdanynda polıtsııa ǵımaratyna jasalǵan qarýly shabýylda eki tártip saqshysy qaza taýyp, alty adam jaralandy.

Izmır prokýratýrasynyń málimetinshe, atys kezinde jaralanǵan kúdikti – 16 jastaǵy jasóspirim ustaldy.

Oqıǵa búgin tańǵy ýaqytta bolǵan. Beınebaqylaý kameralary oq-dári toltyrylǵan rıýkzaktary bar betperde kıgen qarýly jas jigittiń polıtsııa ǵımaratyna qalaı kelgenin jazyp alǵan. Ol tártip saqshylaryna oq jaýdyryp, dúrbeleń men beıberekettik týdyrdy.

Izmır gýbernatory Súleıman Elbannyń aıtýynsha, shabýyl jasaǵan adam buryn sotty bolmaǵan jáne sol aýdanda turǵan.

- Bul qaıǵyly jáne alańdatarlyq oqıǵa. Kúdikti buryn ákimshilik nemese sottylyǵy joq jergilikti turǵyn, - dedi ol.

Qazir jasóspirim medıtsınalyq mekemede. Oǵan operatsııa jasaldy.

Shabýyldyń terrorıstik astary týraly resmı málimet áli bolǵan joq, biraq bılik tergeýdi keńeıtip, kúdiktiniń radıkaldy toptarmen yqtımal baılanysyn tekserip jatqanyn habarlady. Tergeý jalǵasyp jatyr.

Aıta keteıik, Túrkııanyń barlyq óńirinde bombapana qurylysy bastaldy.