Izmır jaǵalaýynda 34 zańsyz mıgrant qutqaryldy

ASTANA. KAZINFORM — Túrkııa jaǵalaý kúzet qyzmeti Izmır provıntsııasynyń Seferıhısar aýdanyndaǵy jaǵalaýda 34 zańsyz mıgrantty qutqardy, dep habarlaıdy Anadolu Ajansi.

Jaǵalaý kúzetiniń resmı saıtynda habarlanǵandaı, mıgranttar otyrǵan úrlenbeli qaıyq qozǵaltqysh aqaýyna baılanysty ashyq teńizde qalǵan.

Qutqarý týraly habar túskennen keıin sol mańǵa qutqarý kateri jiberildi. Qutqarylǵandardyń ishinde 14 bala bar, olar jaǵalaýǵa jetkizildi.

Sonymen qatar Menderes aýdanynda jaǵalaý kúzet qyzmeti taǵy 7 zańsyz mıgrantty, onyń ishinde kámeletke tolmaǵandardy da ustady.

Qajetti rásimder aıaqtalǵannan keıin barlyq mıgranttar odan ári rásimdeý úshin aımaqtyq kóshi-qon qyzmetine tapsyryldy.

Aıta keteıik, jýyrda Malaızııa jaǵalaýynda mıgranttar mingen qaıyq aýdarylyp, 13 adam qaza tapqan edi.

Osyǵan deıin BUU Eýropaǵa teńiz arqyly jetýge tyrysqan zańsyz mıgranttardyń kóbi qaza tabatyny týraly habarlaǵan.